• Ներսեհ

Անուշ Նագգաշեան - Մեծ Երազ

Մեծ Երազ

Երկար տարիներ

Վարժուած էի

Առանձնութեանս...

Բայց հիմա ինչպէս,

Սրտիս ո՞ր դռնէն

Ներս մտար կեանքէս,

Ու արդէն կ'իշխես

Ամէն երակի,

Ամէն մէկ ջիղի...

Ուղեղս անգամ

Ենթարկած քեզի,

Կ'ուզես փոխել դուն

Ուղին իմ կեանքի...


Ես կը կարծէի

Կորսնցուցած եմ

Բանալին սրտիս,

Գտնելն՝ անհնար...

Իսկ ղեկը կեանքիս

Մէջն էր ձեռքերուս,

Զայն առնել ինձմէ

Ջանք էր ապարդիւն...


Հիմա կը նայիմ

Անցած օրերուս,

Եւ սուտ կը թուի

Առանձնութիւնն իմ.

Ինչպէս սուտ էին

Առանձնութեան մէջ

Կեանքս լեցնող

Երազներս սին...


Չէ՛, ալ չի կրնար

Սէր չփայփայել

Միայն սիրելու

Ծնած սիրտը իմ,

Երբ արդէն կաս դուն,

Գոյութիւն ունիս

Յոյսով փայփայուած

Գալիք օրերու՝

Իրականութեան

Մեծ երազին մէջ...:


© Անուշ Նագգաշեան

Հետևեք մեզ
facebook-ում 
Contact Us
  • Facebook
  • Instagram

    Like what you read? Donate now and help me provide fresh news and analysis for my readers   

© Գիտե՞ք, թե,,,

© 2023 by "This Just In". Proudly created with Wix.com

This site was designed with the
.com
website builder. Create your website today.
Start Now