• Ներսեհ

Ոչ մի օր առանց բանաստեղծության


ՎԱՀԱՆ ՏԵՐՅԱՆ * * *


Դու դեռ չես մեռել իմ հիվանդ սրտում,

Դու դեռ ապրում ես երազի նման.

-Բայց չէ՞ որ միշտ էլ երազ էր միայն

Պայծառ պատկերդ այս անապատում…

Ես քեզ սիրում եմ, դու դեռ չես մեռել,

Ես ամենուրեք քեզ եմ որոնում.

Դո՛ւ, երազների լուսե օրրանում՝

Անո՛ւրջ, որ գուցե բնավ չես եղել…

Քեզ իմ կարոտի կսկիծն է վառել

Երազանքներում իմ նվիրական.

Իմ քույր, իմ դահիճ, իմ սուրբ սիրեկան,

Ես քեզ սիրում եմ, դու դեռ չես մեռել…

16 views0 comments