• Ներսեհ

Ոչ մի օր առանց բանաստեղծության

* * *

Քո ինչի՜ն էր պետք այս հաղթանակը.

Ինչո՞ւ շարժեցիր հույզիդ բանա՛կը,_

Հեծելազո՛րը հաճո խոսքերի,

Հետախույզ գո՛ւնդը հարց ու փորձերի,

Գորշ հետևա՛կը քո համառության,

Ծխածածկո՜ւյթը մերժման տխրության,

Խանդի դիրքերի ոլո՛ր- մոլո՜րը…_

Ասա՛, ինչի՜դ էր պետք այդ բոլորը,

Երբ դու անառիկ այս սիրտը գերել՝

Սակայն չե՜ս սիրում և չե՜ս էլ սիրել,

Երբ անձնատո՜ւր է նա վաղուց եղել,

Իսկ դու… ձանձրույթից արդեն սրտնեղե՛լ,

Ե՜տ ես քաշում քո հաղթած բանակը…

Քո ինչի՜ն էր պետք այս հաղթանակը:


© Գևորգ Էմին

16 views0 comments

Recent Posts

See All
<