Ոչ մի օր առանց բանաստեղծության

ՎԱՀՐԱՄ ՀԱՃՅԱՆ

Իմ առավոտը

Իմ առավոտը, ախ ե՞րբ է գալու,

Ե՞րբ է անցնելու գիշերը մռայլ,

Ես նրա համար պատրաստ եմ տալու

Իմ հոգու բոլոր գանձերը շռայլ:

Իմ առավոտը, ախ, ե՞րբ է գալու,

Ե՞րբ է զարթնելու լույսն արեգական,

Սիրտս լոկ քեզ է երկրպագելու,

Շուրթին աղոթքի խոսքը սրբազան:

Իմ առավոտը, ախ, ե՞րբ է գալու,

Ինչքան երկարեց գիշերն ինձ համար,

Ինձ սիրո աստված ե՞րբ ես խղճալու,

Ե՞րբ ես բերելու առավոտս վառ: