• Ներսեհ

Ոչ մի օր առանց բանաստեղծության


ԱՎԵՏԻՔ ԻՍԱՀԱԿՅԱՆ

* * *


Դա՛րդըս լացեք, սարի սըմբուլ,

Ալվան-ալվան ծաղիկներ.

Դա՛րդըս լացեք, բաղի բլբո՛ւլ,

Ամպշող երկնուց զով-հովեր...


Երկինք-գետինք գլխուս մթան,

Անտուն-անտեր կուլամ ես.

Յարիս տարա՜ն - ջանիս տարա՜ն,

Հոնգո՛ւր-հոնգո՛ւր կուլամ ես...


Ա՜խ, յարս ինձի հանեց սըրտեն,

Անճար թողեց ու գնաց.

Սըրտիս սավդեն - խորունկ յարեն

Անդեղ թողեց ու գնաց:


Դա՛րդըս լացեք, սարի սմբուլ,

Ալվան-ալվան ծաղիկներ,

Դա՛րդըս լացեք, բաղի բլբուլ,

Ամպշող երկնուց զով-հովե՜ր...

Recent Posts

See All
Հետևեք մեզ
facebook-ում 
  • Facebook
  • Instagram
Instagram-ում