• Ներսեհ

Վահան Տերյան «Գարուն»


Գարունը այնքա՜ն ծաղիկ է վառել,

Գարունը այնպե՜ս պայծառ է կրկին.

- Ուզում եմ մեկին քնքշորեն սիրել,

Ուզում եմ անուշ փայփայել մեկին։

Այնպե՜ս գգվող է երեկոն անափ,

Ծաղիկներն այնպես նազով են փակվում.

- Շուրջըս վառված է մի անուշ տագնապ,

Մի նոր հուզում է սիրտըս մրրկում...

Անտես զանգերի կարկաչն եմ լսում,

Իմ բացված սրտում հնչում է մի երգ.

- Կարծես թե մեկը ինձ է երազում,

Կարծես կանչում է ինձ մի քնքուշ ձեռք...


© Վահան Տերյան

Recent Posts

See All
Հետևեք մեզ
facebook-ում