• Ներսեհ Ա. Ա.

Նոր Տարին Երուսաղեմում


Հունվարի 13-ին, Երուսաղեմում, ինչպես ամեն տարի, այս տարի ևս կես-գիշերային զանգակահարությունը տեղի ունեցավ Վանքի Մեծ Բակում, որտեղ հավաքվել էին սաղիմահայերի մեծ բազմություն: Հնչեցին Սրբոց Հակոբյանց Մայր Տաճարի մեծ զանգերը, որոնց ղողանջների ներքո Ժառանգավոր սաների կողմից «Փառք ի բարձունս» երգով ավետվեց ավանդական Նոր Տարվա մուտքը: Հաջորդ օրն առավոտյան՝ հունվարի 14-ին, հին տոմարով Նոր Տարուն, Երուսաղեմի Սրբոց Հակոբյանց Մայր Տաճարում մատուցվեց սուրբ և անմահ պատարագ: Պատարագիչն էր՝ Հոգեշնորհ Տ. Շնորհք աբեղա Պալոյանը: Ընդունված սովորության համաձայն Նոր Տարվա պատարագիչ քահանան Ժամօրհնողն է լինում: Պատարագից հետո Միաբանությունը, Ժառանգավոր սաները և սաղիմահայ ժողովուրդը Սուրբ Աթոռի օրհներգ հանդիսացող «Օրհնեցեք» շարականի երգեցողությամբ, թափորով բարձրացան Պատրիարքարան, ուր Սուրբ Աթոռի գահակալ՝ Ամենապատիվ Տ. Նուրհան արքեպիսկոպոս Մանուկյան Պատրիարք Սրբազան Հայրը օրհնված նարինջներ բաժանեց ներկաներին:

#ԼուրերԵրուսաղեմից #Նորտարի #ՍուրբԾնունդ #Ամանոր #Երուսաղեմ #Պատարագ #Տոն #Պատրիարքություն

    Like what you read? Donate now and help me provide fresh news and analysis for my readers   

© Գիտե՞ք, թե,,,

© 2023 by "This Just In". Proudly created with Wix.com

This site was designed with the
.com
website builder. Create your website today.
Start Now