Search
  • Ներսեհ Ա. Ա.

Գիտե՞ք, թե,,,


1808 թվականի սեպտեմբերի 30-ին, առավոտյան ժամը 9-ին Երուսաղեմի Սուրբ Հարության Տաճարի ներսում մեծ հրդեհ է բռնկվում: Հրդեհից հետո տերության հրովարտակով հույները՝ զրպարտելով հայերին կազմակերպեցին և Քրիստոսի սուրբ Գերեզմանի վրա պատարագելու իրավունք ստացան: Զաքարիա վարդապետը (ապա պատրիարք Երուսաղեմի առաքելահաստատ Ս. Աթոռի) 1829 թվականին քաջալերվելով Սուլթան Մահմուդի բարյացկամությունից ու արդարասիրությունից՝ խորհրդակցում է Միքայել Փիշմիշյան ամիրայի հետ, ու աղերսագրով խնդրում է, որպէսզի հայերին ևս Քրիստոսի սուրբ Գերեզմանի վրա վերստին պատարագելու իրավունք շնորհվի, որին շատ տարիներ հետո Ֆրանչիսկյան կրոնավորները տիրացել էին:

Սուլթանը չի զլանում այս շնորհը անել հայերին՝ անհունորեն շնորհապարտ ու երախտագետ թողելով նրանց: Կայսերական հրովարտակը տրվում է 1829 թվականի մայիսին: Գերեզմանի վրա զետեղվում են անհրաժեշտ սպասքներ, պատկերներ, որից հետո սեպտեմբերի 3-ին հայերն առաջին անգամ աստվածային խորհուրդը մատուցում են սուրբ Գերեզմանի վրա, իսկ այդ օրվա պատարագիչն էր Պողոս Պատրիարք Ադրիանապոլսեցին:

Այս հիշատակարանը նվիրված է վերստին պատարագելու իրավունք ստանալուն և մեծահանդես տոներին, երբ պատարագը մատուցվում է Քրիստոսի սուրբ Գերեզմանի վրա, այն զետեղվում է Գերեզմանի նախասրահում գտնվող Հրեշտակի քարի վրա, ապա պատարագի վերջում թափորով շրջում են սուրբ Գերեզմանի շուրջ:

Հիշատակարանը կրում է հետևյալ գրությունը. «Յիշեա՛ Տէր և զհոգիս ամենայն ննջեցելոց օրհնեալ ազգիս հայոց և զայնոսիկ՝ և զհոգիս ծնողաց, որք փափագանօք տնօրինեցին ի վերայ սուրբ գերեզմանիդ զպաշտօն անմահ պատարագիդ և հան մասն և բաժին՝ երախտաւորաց, պտղատուից և սպասաւորաց պահեա՛ ամենայն փորձութեանց: 1829»:

#Սրբավայր #Երուսաղեմ #Պատարագ #Գերեզման #ՀարությանՏաճար #Տաճար #Պատրիարքություն #Գիտեքթե

    Like what you read? Donate now and help me provide fresh news and analysis for my readers   

© Գիտե՞ք, թե,,,

© 2023 by "This Just In". Proudly created with Wix.com

This site was designed with the
.com
website builder. Create your website today.
Start Now