- Ներսեհ Ա. Ա.
Ոչ մի օր առանց բանաստեղծության
ՊԱՏՎԱԿԱՆ ԽԱՉԱՏՐՅԱՆ «Ծառի խնդրանքը»
Մի´ կոտրատիր իմ ճյուղերը, Որդիներն են նրանք իմ հեզ, Ես այնպես եմ սիրում նրանց, Ինչպես մայրդ սիրում է քեզ։
Տերև անգամ եթե պոկես, Սիրտս ցավից կմղկտա, Թե որ դու ինձ չպահպանես, Պատրաստի ծառ քեզ ո՞վ կտա։
Թող որ բերեմ քեզ հով ու զով, Կեղտ ու փոշուց մաքրեմ օդը, Կանաչ – կանաչ իմ ձեռքերով Ցրեմ ամռան կիզիչ տոթը։
Ծիտ ու ծիծառ առնեմ ուսիս, Օրոր ասեմ ես օրնիբուն, Եվ քո կյանքի ճանապարհին Մնամ որպես գեղեցկություն։
#Ոչմիօրառանցբանաստեղծության #Պոեզիա #ԶանազանԲանաստեղծություններ