Գևորգ եպիսկոպոս Երեցյանը կրոնական դաստիարակություն ստանալու համար 1867-ին մեկնել է Երուսաղեմի Ժառանգավորաց Վարժարան և ուսումնառությունն ավարտելուց հետո ձեռնադրվել է սարկավագ, ապա աբեղա:

1885-1890 թվականներին եղել է Ժառանգավորաց Վարժարանի տեսուչ: 1891-ին նշանակվել է որպես Ռումինիայի և Բուլղարիայի նվիրակ:

1893-1905 թվականներին եղել է Կոստանդնուպոլսի Երուսաղեմատան փոխանորդ: Այդ ընթացքում՝ 1898-ին ստացել է եպիսկոպոսական աստիճան:

1901 թվականի, նոյեմբերի 29-ին ընտրվել է Կիլիկիո Կաթողիկոս, բայց երկու շաբաթ հետո, դեկտեմբերի 13-ին հրաժարվել է: Հրաժարականը ընդունվել է երկու ամիս հետո, 1902-ի փետրվարի 1-ին:

#Գիտեքթե #Երուսաղեմ #Պատրիարքություն