• Ներսեհ Ա. Ա.

Գիտե՞ք, թե,,,


2017 թվականին լույս է տեսել ռուսալեզու հայ գրողների պատմվածքների ժողովածուն՝ «Գոյի ստվերները»: Մեկ շապիկի տակ հավաքված են տարբեր երկրներում բնակվող 24 հեղինակների ստեղծագործությունները: Հեղինակներից հայ չեն միայն Դմիտրի Պիսարենկոն, Վիկտորիա Գաբրիելյանը և Ելենա Շուվաևա-Պետրոսյանը, բայց նրանց ճակատագիրը սերտորեն կապված է Հայաստանի, նրա պատմության և մշակույթի հետ: Դմիտրի Պիսարենկոն ծնվել է Հայաստանում, որպես լրագրող անցել է արցախյան պատերազմն, անցած տարվա ապրիլին լուսաբանել է քառօրյա մարտական գործողությունները: Վիկտորիա Գաբրիելյանը ծնվել է Դոնեցկում, ապրել է Վրաստանում, ապա 23 տարի՝ Հայաստանում, հիմա բնակվում է ԱՄՆ-ում: Գրքում հավաքված է մարդկային և գրական ճակատագրերի յուրահատուկ գունապնակ: Կարինե Հարությունովան ծնվել է Կիևում, հիմա ապրում է Իսրայելում, Անահիտ Գրիգորյանը ծնվել և ապրում է Սանկտ Պետերբուրգում: Հմայակ Տեր-Աբրահամյանը ծնվել է Տալինում (Էստոնիա), այժմ բնակվում է Մոսկվայում: Աշոտ Բեգլարյանը ծնվել մեծացել է Արցախում և անցել փառավոր մարտական ուղի: Նա ձեռքում ոչ միայն գրիչ է պահել, այլ նաև զենք:

Հայրենիքից դուրս ապրող հայ գրողի ազգային ինքնությունը յուրահատուկ երևույթ է: Գեղարվեստական գործընթացի տեսանկյունից թվում էր, թե ռուսերեն գրող և այլ երկրներում ապրող հայ գրողները պետք է ներառվեին իրենց բնակության երկրի մշակութային գործընթացներում: Բայց դա քչերին է հաջողվում: Միաժամանակ, կարելի է ասել՝ Հայաստանում նրանք այդքան շատ ինտեգրված չեն:

Վերջին տասնամյակում ռուսերեն լեզվով լույս են տեսել հայ գրողների ստեղծագործությունների մի քանի ժողովածուներ, բայց չի եղել մեկը, որը մեկ շապիկի տակ կմիավորեր աշխարհասփյուռ գրողներին: Բոլոր հեղինակներից հայերեն է գրում միայն Գուրգեն Խանջյանը: Իհարկե, նյութերի առատութունը թույլ չի տվել ամեն ինչ ընդգրկել, բայց սա միայն սկիզբն է: Շարքը կշարունակվի այլ հրատարակություններով: Գրքի ստեղծողները փորձել են ներկայացնել հայ գրականության բազմաշերտ և ընդարձակ համայնապատկերը և հույս ունենալով, որ հետագայում ընթերցողները նպատակուղղված առանձին կծանոթանան յուրաքանչյուր հեղինակի ստեղծագործության հետ:

#Գիտեքթե #Գիրք #Գրականություն

6 views0 comments
Հետևեք մեզ
facebook-ում 
Contact Us
  • Facebook
  • Instagram

    Like what you read? Donate now and help me provide fresh news and analysis for my readers   

© Գիտե՞ք, թե,,,

© 2023 by "This Just In". Proudly created with Wix.com

This site was designed with the
.com
website builder. Create your website today.
Start Now