ՎԱՀՐԱՄ ՀԱՃՅԱՆ

Իմ կյանքը

Այրող ցավեր, արցունքոտ կյանք,

Խաչին քամված ճակատագիր,

Մեռնող հույսեր, տանջող կապանք,

Սևով գրված սև օրագիր:

Մրսող իղձեր, դողդոջ հոգի,

Ալեվորված ջահել օրեր,

Սևով լցված ճերմակ հոգի,

Երազների մթին ձորեր:

Սիրո անդունդ, հանգած երազ,

Լուռ մոխրացող կյանքի կայծեր,

Չքված տեսիլք, չքված հրաշք,

Շիրմից հասնող տխուր ձայներ...

#Ոչմիօրառանցբանաստեղծության #Պոեզիա #ՎահրամՀաճյան