• Ներսեհ Ա. Ա.

Գիտե՞ք, թե,,,


Ս. Կույս Մարիամին նվիրված տոներից է Երեքամյա Ս. Աստվածածնի տաճարին ընծայման տոնը, որ բոլոր քրիստոնեական եկեղեցիները ոգեկոչում են նոյեմբերի 21-ին, իսկ Երուսաղեմի առաքելահաստատ Հայոց Պատրիարքությունը տոնում է հին տոմարով դեկտեմբերի 4-ին: Ըստ ավանդության` երեք տարին լրանալուց հետո, Տիրամոր աստվածավախ ու բարեպաշտ ծնողները` Հովակիմն ու Աննան, իրենց ուխտի համաձայն, Մարիամին ընծայում են տաճարին, ուր նա մնում է մինչև նշանվելը:

Տոնի հաստատումն առնչվում է այն տաճարի հետ, որ կառուցել է Հուստինիանոս կայսրն Աստվածածնի պատվին հին հրեական տաճարի տեղում, Մորիա բլրի վրա: Տաճարի նավակատիքը տեղի է ունեցել 543 թվականին, նոյեմբերի 21-ին: 638 թվականից հետո, երբ Հուստինիանոսի կառուցած տաճարը վերածվում է մուսուլմանական մզկիթի, տոնակատարությունը տարածվում է ողջ քրիստոնյա աշխարհով մեկ: Աստվածածնի ընծայման տոնը Հայ Եկեղեցի մուտք է գործել 18-րդ դարում: Երեքամյա Ս. Աստվածածնի` տաճարին ընծայման տոնը Հայ Առաքելական Եկեղեցու անշարժ տոներից է:

#Տոն #Գիտեքթե #Ծես #Երուսաղեմ #Աստվածամայր #Պատրիարքություն

Հետևեք մեզ
facebook-ում 
  • Facebook
  • Instagram
Instagram-ում