4-րդ դարի վկա, Հայոց թագուհի Ս. Աշխենը, Հայ Առաքելական եկեղեցու տոնելի սրբերից է: Տրդատ 3-րդ Մեծ թագավորը նրան կնության է առել թագավորական տոհմից և հռչակել Արշակունի: Ս. Աշխենը, Գրիգոր Լուսավորչի քարոզությամբ արքայաքրոջ՝ Խոսրովիդուխտի հետ, ընդունում է քրիստոնեություն և վարում առաքինազարդ կյանք: Հայսմավուրքների վկայությամբ, կյանքի վերջին տարիներին, հետևելով ամուսնու օրինակին, հրաժարվում է արքունական ճոխ կյանքից, առանձնում է ու ճգնում:

Հայ եկեղեցին Ս. Աշխենի, Ս. Տրդատի և Ս. Խոսրովիդուխտ կույսի հիշատակը տոնում է միասին:

#Գիտեքթե #Սուրբ #Տոն