• Ներսեհ Ա. Ա.

Ոչ մի օր առանց բանաստեղծության


ՄԵՏԱՔՍԵ

Առաջին սեր

Երբ քեզ էլ կանչեց պատերազմը մեծ,

Մեր հրաժեշտի այն ծանր պահին,

Դրսում խշշոցով մի երգ փշրվեց

Ու տխուր փռվեց պարտեզում ձեր հին:

Որպես վրեժի պղտոր արցունքներ,

Անձրևեց բարդին տերևն իր դեղին,

Որ քայլերիդ տակ սիրո երգ հյուսեր,

Սիրտը տար՝ մաղթանք քո ճանապարհին...

Տարիներ անցան, բայց հետ չդարձար,

Դեռ կանչում է քեզ բարդին վշտահեծ,

Մեր հրաժեշտի պահին դողահար՝

Դրսում խշշոցով մի երգ փշրվեց...

#Մետաքսե #Ոչմիօրառանցբանաստեղծության #Պոեզիա

1 view0 comments
Հետևեք մեզ
facebook-ում 
  • Facebook
  • Instagram